Каманда нашага часопіса наведала майстар-клас па стварэнні інтэр’ернай папяровай скульптуры, які праходзіў у лофт-праекце “БАЛКИ”. Вяла майстар-клас дызайнер Алена Наумовіч. Вынікам нашага ўдзелу стаў заяц аквамарынавага колеру.
Тэкст: Ірына Бельская
Фота: Марыя Сонгаль
Матэрыялы і інструменты, якія спатрэбяцца:
- раздукаваная разгортка – спампаваць можна тут ;
- лінейка;
- аловак;
- канцылярскі нож;
- палачка для бігавання (не абавязкова);
- доўгія драўляныя шпажкі;
- клей;
- сурвэтка;
- падкладка, на якой можна рэзаць нажом.
| Бігаванне – працэс праціскання аркуша паперы для наступнага згібу. Бігаванне робіцца для аблягчэння згінання паперы, а таксама для таго, каб фарба на згібах не лопалася |
Этапы працы
1. Падрыхтоўваем усё неабходнае.
2. Выразаем канцылярскім нажом разгортку па контуры (каб лініі атрымліваліся роўныя, робім гэта з дапамогай лінейкі). Выразаць можна і нажніцамі.
3. Палачкай для бігавання праводзім па ўсіх лініях дэталяў. Можна выкарыстоўваць для гэтага канцылярскі нож, але толькі вельмі акуратна, каб не дапусціць разрэзу паперы.
4. Згінаем дэталі згодна з пазначанымі на іх лініямі:
————- ? – згінаем унутр;
-·-·-·-·-·-·-·-·-? – згінаем звонку.
5. Як можна заўважыць, на кожнай грані мадэлі нашага будучага зайца пазначаны нумар. Знаходзім аднолькавыя нумары на кожнай папяровай дэталі мадэлі і склейваем адпаведныя грані паміж сабой. Склейваць трэба ад самых малых трохвугольнікаў (палігонаў) да самых буйных.
Для праклейвання цяжкадаступных месцаў нам дапамагла звычайная шпажка.
Заяц гатовы:
Важна:
Пастарайцеся працаваць акуратна: разгорткі выразайце строга па лініях; каб не было падцёкаў, не наносьце шмат клею. Ад гэтага залежыць якасць вашай работы.
Дзе ўзяць разгорткі:
- Знайсці ў інтэрнэце ў вольным доступе;
- Набыць на стоках;
- Спампаваць і ўсталяваць бясплатную праграму PepakuraDesigner, якая зробіць разгортку-выкрайку з 3D-мадэлі, што, у сваю чаргу, таксама можна спампаваць у інтэрнэце альбо стварыць самастойна ў любой праграме для 3D-мадэлявання.
Якую паперу абраць:
Папера не павінна быць занадта тонкай, таму што “скульптура” не будзе трымаць форму.
Аднак папера не павінна быць і занадта шчыльнай, бо складана будзе зрабіць акуратныя згібы.
Нам падыдзе:
- – Каляровая папера шчыльнасцю 160 г /м2;
- – Каляровы кардон шчыльнасцю 350 г /м2;
- – Папера для скрапбукінга шчыльнасцю 150-300 г /м2;
- – Запячатванне колеру на прынтары 200-300 г /м2.
Як атрымаць жаданы колер:
Вы можаце раздрукаваць разгорткі адразу на каляровай паперы патрэбнага колеру. А можаце гатовую скульптуру пакрыць нітрафарбай з балончыка.
Фарбу на воднай аснове не рэкамендуем, бо, зноў жа, папера можа дэфармавацца.
Чым прыклейваць:
- Лепш за ўсё падыходзіць клей тыпу “Момант”.
- Двухбаковы скотч не заўсёды добра склейвае грані і нязручны ў цяжкадаступных месцах.
- Клей на воднай аснове доўга сохне, акрамя гэтага яго выкарыстанне можа дэфармаваць паперу.